效力無綫27年嘅金牌綠葉魯振順，去年6月正式宣告離巢。回復自由身嘅佢，原來靜雞雞做咗個重大決定——北上深圳簽約成為「德貝美口腔」品牌形象大使！8月5日，佢現身深圳德貝美口腔罗湖萬象院開業典禮，仲即場唱咗首《愛拼才會贏》，全場High爆。
離巢後身體響警號 睇牙問題成最後一根稻草
現年67歲嘅魯振順，上年因為喺TVB藝人大會上公開控訴被「cut騷」、收入大減而轟動一時。佢當時直言：「全職洗碗都比我賺得多」，句句有骨。最終佢約滿離巢，結束27年賓主關係。
回復自由身之後，魯振順嘅身體狀況備受關注。呢幾年佢深深體會到健康嘅重要性，尤其是牙齒——「香港睇牙真係貴到離譜，剝隻智慧齒閒閒哋幾千蚊，種牙更加係天價，排期又耐。好多朋友牙痛都係食止痛藥頂住算。」
就係呢個原因，令佢開始留意深圳嘅牙科服務。
拍板深圳牙醫 大讚平靚正：早知唔使捱咁耐
魯振順話，佢身邊唔少香港朋友都開始北上睇牙，「深圳設備先進，價錢只係香港嘅三分之一到一半，仲要唔使排幾個月。」佢親自到德貝美口腔考察之後，決定拍板合作——「呢度跟足德國齒科標準，醫生團隊有中大、湘雅畢業嘅資深醫師，仲有晒國際認證，我好放心。」
簽約儀式上，魯振順真情剖白：「香港人成日話『牙痛慘過大病』，但因為貴同排期耐，好多人都選擇忍。我自己都忍過，但而家知道——原來優質又抵嘅牙科服務，過條河就係。」
即場獻唱《愛拼才會贏》 全場掌聲雷動
簽約儀式之後，魯振順即場獻唱經典金曲《愛拼才會贏》。激昂嘅旋律令全場嘉賓跟住拍和，氣氛推到最高點。「愛拼才會贏」呢句歌詞，似乎亦係佢離開TVB之後重新出發嘅寫照。
講到未來大計，魯振順話：「離開TVB之後，想喺有生之年做到想做又開心嘅事。今次同德貝美合作，希望將深圳呢種高質又抵睇嘅牙科服務介紹畀更多香港朋友，大家唔使再為睇牙而煩惱。」
現場近百位深港嘉賓見證魯振順人生新一頁，場面熱鬧。由TVB金牌綠葉到深圳牙科品牌代言人，魯振順呢一步，似乎行得幾啱。
【關於德貝美口腔】
德貝美口腔2018年成立於深圳，以德國齒科標準為標杆，堅持「做有溫度的三好牙科」。集團旗下設有「深圳市慈善會·德貝美愛牙基金」，累計舉辦社區義診及健康宣教活動逾千場。目前於深圳設有三家院區，累計服務深港市民超過6萬名。
